Saturday, March 15, 2014

I am a woMan




Една недела по големиот ден на жената...и могу денови од мојот последен пост.
Една недела од пружената почит...и еве ме мене, да напишам пост во чест на жената и почитта и љубовта која треба да се има, да се дава секој ден, секој миг.

И можеби сите зборуваме дека не е само тој ден, дека се бунтуваме и бараме права и почит...а сепак само тој ден на Гоолемоо го славиме...и од утре се по старо.
Но, секоја чест на искулучоците кои секој ден се повеќе се наодградуваат! Кои уживаат во секој миг, кои примаат и даваат љубов и нежност секој час, кои се чувствуваат посебно, без никаква причина секој ден.

И славиме што сме жени, славиме за рамноправноста, образованието и виоките позиции. Славиме за можноста живот да подариме. Славиме за љубовта која березервно ја нудиме, која несебично ја делиме. И славиме за почитта која сме ја заслужиле.

И овој пост го посветувам на една изложба на жените, кои ја покажаа својата креативност, своето остро око и умешноста во фотографирање и ни подарија прекрасни фотографии.

Побрзајте и посетете ја изложбата во Домот на Култура "Трајко Прокопиев", до 20-ти Март.
А до следниот пост, славете го своето постоење и уживајте во моќта која ја поседувате!


Бакнежи,
Марија




П.С. Ова е дел од фотографиите од изложбата, остатокот разгледајте го токму таму!

Wednesday, February 19, 2014

Go!! Do some exercise! :)


Мили мои, поминаа неколку денови без нов напишан пост. И додека собирам инспирација на ова прекрасно време, уживајќи во оваа пролет во фебруари :) добивам идеја да ви доловам уште една моја голема љубов а која верувам ќе биде од корист и за вас.

Здравата исхрана е нешто за што постојано слушаме, читаме и си ветуваме секој ден, дека од утре започнува нова епизода, од утре ќе водиме поголема грижа за нашето здравје, поредовна исхрана, поредовен сон, поголема нега и секако повеќе спорт.

А јас, бидејќи многу одамна сум си ги поставувала тие цели, можеби како новогодишна одлука или пак одлука за поголема активност на некој летен или зимски распуст :) ...тоа некако поминало во навика и начин на живеење. И сега можам да кажам дека е мое секојдневие, ритуал и редовна активност.
И следејќи го тој здрав начин на исхрана, спортувањето е составен дел уште многу одамна.

Верувам дека сите имате некоја омилена спортска активност, а јас бидејќи сакав да бидам активна во скоро се :) полека созревав и избирав, мислев и се пронаоѓав...и денес можам да кажам дека фитнесот е она што го избрав како повеќегодишна активност.
Поминувајќи преку аеробик, стомачни танци, пилатес и јога...завршив во фазата на боди билдингот. 
Никогаш не верував дека ќе сакам да работам сама, без инструктор и со тежина. Ми беше потребна работа во група, синхронизирано вежбање и повисоки цели за достигнување. И еден ден се најдов пред толку многу справи и тегови, се обидов и сфатив дека тоа е она вистинското. 
Таму го пронајдов вистинскиот начин да го потрошам оној вишок на енергија и ја пронајдов можноста за надоградување и воочување резултати. И бидејќи секогаш испробувам нешто ново, интересно...нешто комбинирам, додавам или одземам, на мојата листа физички активности го додавам и трчањето како еден вид сезонска активност. Доаѓа еден период во годината кога не можам да функционирам во затворено, па мојата желба за физичка активност ја задоволувам со неколку истрчани кругови.
Се надевам дека и вие имате ваш спорт, начин на трошење енергија и оддржување во одлична форма...а доколку сакате да ѕирнете во дел од моите омилени активности, ви оставам линкови од Fitnes Feniks, местото каде јас правам мускули :))) како и некои вежби кои ги практикувам во домашни услови. :)
А доколку сакате убаво истегнување, можете на овој линк на Youtube да пронајдете супер идеи.

До следниот пост, споделете ми ги вашите искуства и останете фит :)

Бакнежи,
Марија

Sunday, February 9, 2014

Celebrating Love...everyday, everywhere


За љубовта...прочитавме многу книги, статии...поезија и стих. За љубовта научивме многу историја, поврзавме минато и иднина...запловивме и потонавме во мислите, се препуштавме на чувствата. Ја оживеавме секоја нота, го преживуваме секој љубовен текст, се пронаоѓаме во секој збор, секој стих...и се на некого не потсетува, раѓа спомени, ги буди треперењата во нас. И за неа живееме, неа ја славиме, по неа копнееме...солзи лееме, радосници.. Не љубовта не е чувство...можеби е состојба? Целосно предавања, доживување. Состојба на немир, треперење, копнеење, исчекување и предавање.

И ја славиме, секој ден, без резерва, без размислување. И ја подаруваме, се даруваме себе си, со целиот свој сјај и целата личност. Со целата убавина, сите доблести и мани...
И тогаш сме најубавите, најсреќните...тогаш Месечината сјае исто колку Сонцето...и губиме чувство за простор и време..живееме во моментот, бидејќи утре, тоа е она што ќе остане..и ќе го повикуваме да не потсети, да го оживееме и да потонеме одново и одново во тој момент, тоа место, тој мирис...и сите сетила се на наша страна и тука е..сега и засекогаш.

...И додека во позадина наизменично ги слушам љубовните звуци од Lana Del Ray и John Legend, го пишувам овој пост во чест на Љубовта... И ми доаѓа идеја за предлог места каде за сечиј вкус може да се прослави, да се оживее, да се потоне и одново воскресне....а таа ќе остане!
Ги затворам очите и враќам мигови од места во градов каде сум поминала прекрасно, за различна прилика...а таа, љубовта, секогаш била присутна, во мене, во воздухот, во луѓето наоколу.

Романтична вечера? Нема проблем...прекрасен ресторан PRADO, прекрасна храна...топли бои, ентериер во кој ќе се вљубите...и доколку сте деталист како мене...ќе го истражувате со поглед секое ќоше, секоја маса..која на свој посебен начин раскажува единствена приказна, сведочи за романтика и љубов...секој извор на светлина кој е поразличен од претходниот...топлина која зрачи од секој агол...и прекрасна храна..бидејќи нели љубовта доаѓа преку храната?

Доколку пак сакате убава атмосфера, каде боите се прекрасно ускладени но каде малку поурбана музика допира до вашите уши, каде формалноста не е толку во прв план а сепак можете да се исклучите и да си дозволите приватни, интимни и единствени мигови..Мистер Џорџ е местото за вас.

А доколку некој ден едноставно сакате целата романтична атмосфера да ја пренесете во топлината на вашиот дом...тогаш прекрасно вино... храна по вкус...музика за опуштање, прекрасен поглед преку прозорец, пригушено светло...и љубовта е тука...тука и ќе остане.

И не само тогаш, не само во тие мигови, на тие начини...Таа се слави секој ден, се љуби секој миг, се ужива секој момент и се љуби безрезервно.


P.S. И доколку го прославувате Св. Валентин..малку креативни идеи за подарок од Fashionel.



На здравје Љубов!
Бакнежи,
Марија

Thursday, February 6, 2014

It's a Movie to See


Welcome to America!! Да, долго го чекав овој филм и според trailer-от што го гледав оекував супер филм, динамичен, возбудлив и неизвесен!! Се чудев малку на таа не толку одлична оценка и чекав саматa да пресудам. И што можам да кажам? 
Доколку сакате филм со супер екипа, не толку непозната тематика, по малку предвидлив но сепак доста интересен, ви препорачувам да го погледате The Counselor (2013)

Знаеме дека секогаш некој во пазадина ги влече конците и дека никогаш не е така како што изгледа..но можеби овде ќе се изненадите кој всушност е "главниот". Споменав дека е малку предвидлив..а всушност, како поинаку да се одвиваат работите во Светот на дрогата? Но можеби нема да погодите колкава е моќта на жената и како се работи во позадина. 

И додека се соочуваш со проблеми со парите, се појавува пријател кој нуди бизнис да те извлече... реален, ти ги кажува предностите и маните...но и те уверува дека доколку веќе помислувaш на тој бизнис, воопшто не си тој за кој се се претставуваш..
И кога алчноста ќе те повлече...проблемот е што и кого се ќе повлечеш со себе?
Гладајќи го филмот, секогаш наоѓаш ликови на кои им се воодушевуваш, но и ликови за кои не можеш да заземеш став. 
Почитуван адвокат, влегува во бизнис со дрогата. Од една страна себично ја чува љубовта но од друга страна се бори со чувството за моќ и стабилност.
Преминот од романтични мигови до забави, убиства и валкан бизнис е исто толку динамичен колку и самото дејство на филмот кое се одвива помеѓу Америка, Мексико и Европа.

И доколку сакате да ја занемарите оценката и да погледате не толку воодушевувачки филм, но сепак филм кој нуди доста позната тема на еден поинаков начин, ви препорачувам да одвоите од своето време и да уживате во овој реален Свет.

Бакнежи,
Марија

Monday, February 3, 2014

NEW IN... FOR LIFE :)



И така некако, сите ние си имаме свој белег, препознатлив знак... Нешто по што не паметат, не препознаваат. Нешто за што зборуваат, било да се восхитуваат или осудуваат. И сите ние сме исти, а сепак различни. Милијарда луѓе, уште толку карактери... толку многу разлики а сепак сме едно. И дали некогаш сте се запрашале зошто се трудиме да бидеме поразлични од другите, да се издвојуваме од масата, да бидеме единка која ќе исплива на површината и ќе се бори за свое место под Сонцево? И дали сме свесни колку начини на издвојување постојат?

Мислев, размислував, истражував... што е тоа длабоко во секој човек што го поттикнува да се издвои, да се претстави на најдобар можен начин...да заблеска со сиот свој сјај и да остави трага... Но дојдов до заклучоци дека секој на различен начин ја постигнува целта...
Тетоважите...дали тие се еден вид на изразување? Во кој  момент знаеш дека е вистинското време и дека таа е вистинската слика која ќе те краси засекогаш?
Денешен тренд..кај нас сеуште не премногу застапен, но доволен за да поттикне размислување и тема на разговор.

И додека многумина се предомислуваат, собираат храброст, идеи..вистинска вредност и слика...други непромислено редат на себе датуми..букви, бројки, слики...
И малку по малку ви откривам за себе дека сум горд сопственик на две многу драги тетоважи, од голема важност, кои ме опишуваат мене, карактерот, емоциите и мојот "сонувачки" дух.
И со стремеж кон ѕвездите, романтична душа на која премногу и е потребна втората половина за се да биде совршено...тврдоглава, единствена.
Некои ги сметаат за бунтување, јавно покажување...трендовско "сликање" по телото...а јас убавината ја гледам во она што не се гледа...во она нежното, дискретното...она што си ти и премногу ти значи..она што ќе сакаш секогаш да го имаш со себе и никогаш да не се предомислиш...она што ќе те води и ќе те потсетува на твоите соништа, ќе те потсетува на личноста што си и нема да ти дозволи да се изгубиш себе си...
И ако е бунт...за што се бунтувам? :) Мили мои, денешната технологија напредува толку бргу што веќе и самите тетоважи не се трајни...но доколку вистински ја сакаш, во ниту еден момент нема да помислуваш на отстранување.
Пред некое време гледав прекрасна емисија, МРТ 1, нашата секогаш инспиративна Живкица...емисијата ТУНЕЛ и темата, претпоставувате...Тетовирање... Толку корисни работи и совети од стручни лица. Медицинска грижа, професионален тим, артисти вредни за почит!
И во ниту еден момент не се покајав...и како минуваат годините соништата се движат во нагорна линија, кон ѕвездите..јас останувам приземна и полека но сигурно ги ловам...бидејќи јарецот само така знае :)

Кое е вашето мислење за тетоважите, дали сме запознаени доволно со сите последици...дали се води сметка за хигиената и дали сме свесни колку ризикуваме при изборот на лицето на кое ќе му го посветиме нашето тело за да ни го "украси"?

До следниот пост, ви оставам линк од личноста која знае да си ја работи својата работа :) Koi Fish Studio, и од емисијата која покрива прекрасни теми кои верувам дека ќе ви го привлечат вниманието, Tunel Emisija.



Бакнежи,
Марија

Thursday, January 30, 2014

Hot chocolate for two...


Ех, помина малку подолго време од мојот последен пост...собирав идеи и инспирација и убави моменти и многу многу романтика. И снег и прошетки и дожд и тишина....само чекори и љубов во воздухот. Рака во рака, топла дланка и срце полно љубов!
И во моментот кога се препушташ на мирот, дозволуваш тишината да завладее и срцето да дивее, очите да искрат и да зборуваат, ситните капки дожд кои удираат по црвените студени образи се претвораат во снегулки. И вее, вее се посилно. Се шири насмевка на лицето. Гледам кон небото и замислувам желба..онака, без некоја причина..и од каде сега таа желба се појави? И вее, се посилно и чекориме и се е бело пред нас! Се формира белата покривка и онака недејно, ете го, тука е! Снегот кој толку го посакувавме, довикувавме..ахх радости!!
И времето минува, чекорите ја покриваат земјата, ја одминуваат далечината и сега веќе не сме сами...од секаде луѓе, деца кои на снегот се радуваат, уште многу многу вљубени двојки кои чекорат полека и се восхитуваат. И се бакнуваат и се држат за раце и се е толку убаво и бело и безгрижно! И посакуваш да трае, да трчаш, да се смееш гласно, да го запаметиш секој миг, да украдеш уште некој бакнеж и да уживаш во оваа ноќ!

И кога ноќта длабоко ќе се спушти, ќе ја фрли својата темнина...но сепак насекаде е светло од белата покривка на долгоочекуваниот снег, се сместуваш удобно во топлината на соба полна љубов. Седнуваш близу прозорецот и продолжуваш да сонуваш, да мечтаеш, да посакуваш. И миризбата на вкусно топло чоколадо ти ја доловува топлината која во тебе тлее. И сонуваш, се препушташ и посакуваш да трае..




До следниот пост...останете вљубени и романтични :)

Ве бакнувам,
Марија



Sunday, January 19, 2014

Hopeless Romantic...


Guilty as charged!! Мили мои, овој пост излезе многу непланирано, ненадејно и без никаква претходна белешка во мојот планер :) но како што и подолу ќе ви споменам...сите непланирани нешта се многу поубави...и не знам уште колку пати ќе треба да се потсетиме дека треба да живееме во моментот и за моментот!!

И јас таква каква што сум, една безнадежно романтична душа, со големо срце кое мислам некогаш ќе испука по своите рабови, како некоја плишана играчка во рацете на детска невина рака, секогаш кога ќе си одделам време за самата себе - уживам во некој романтичен филм! Па да, ако е за себе - нека биде во целиот свој сјај! И ќе си пронајдам некој филм, ќе ископам некоја стара романтична приказна...или по стоти пат ќе изгледам некој од моите No.1 girly-time movies и ќе се препуштам на емоциите....
Овој пат решив да подарам шанса на некој понов филм и да проверам дали нешто е променето....но се си останува исто...јас сум сеуште истата која се соживува со приказната, која ги обожува ликовите, ја слави љубовта и верува во среќен крај! И на мојот плеер се најде филмот About Time.


И доколку сакате повторно да се вљубите во Рејчел Мек Адамс, доколку сакате да запловите во некој момент од минатото, да се препуштите на спомените...да им дозволите на чувствата да ве обземат и солзите да потечат :) искрено ви го препорачувам. Можеби сме навикнати на сите љубовни филмови со слична содржина и среќен крај....но овој пат дозволете си да извлечете поука...за животот, за моментот, за чувствата и за шансите кои еднаш се живеат, се користат или се губат засекогаш....

До следниот пост, ве оставам да го изгледате овој прекрасен филм...и да започнете да живеете во моментот!!!

Бакнежи,
Марија

Friday, January 17, 2014

Oh my... magazines ;)





















Lifestyle или како, каде, што...само на мој начин. И еве овој пост ќе биде мојата инспирација, она што мене ме буди, ми дава идеи без разлика дали се работи за ентериер, за нова книга, филм...мода или можеби некоја нова дестинација....и листам, прелистувам...барам асоцијација...и секогаш нешто ново ќе излезе и ќе ме инспирира и ќе ми даде идеја....или ќе ме поттикне да размислувам...нешто ново да прочепкам, да научам.

Верувам сите сте се пронашле како некој текст го препрочитувате по кој знае кој пат...и вие самите не знаете зошто...и вие самите не знаете што е тоа што толку ви се допаѓа...и секогаш на нов начин! Верувам сите сте се воодушевиле од некој нов факт, некое ново сознание...сте добиле нова идеја или сте биле воодушевени од некој предлог за егзотична дестинација, романтична атмосфера или место за релаксирање.

Јас мили мои, како еден вљубеник во списанијата :) (признавам сега електронската верзија ја посетувам почесто а печатените изданија се сведоа само на некои мои нај нај) сакам да ги споделам со вас моите извори на инспирација, чекорејќи од модни списанија, списанија за ентериер па се до списанија кои се посветени на животот и здравјето.

Неодамна откриено, по препорака од моја драга личност, а кога е таа во прашање...знам дека мора да биде прекрасно и поучно и полно со егзотика и мудрост...Vodic za zivot..доколку не сте запознаени, српско списание, месечник кој секој месец покрива тема, ја обработува низ своите бројни страници и нуди прекрасна содржина за духот, телото и душата...Од предлози за патување, книги, музика, места за прекрасен ручек...рецепти и многу историја, историја и знаење...



Од нашиот сосед го обожавам и ELLE. Неговата содржина е многу поразлична од сите модни списанија и можам слободно да кажам доследна за името кое го носи. Можеби сум пристрасна бидејќи уредничката е на листата блогерки кои ги обожавам...но сепак ги обожавам и текстовите.

И нормално, моето омилено а дури и бесплатно македонско списание, COSMO магазин!!! Го читам од првиот број и сум изненадена од содржината, текстовите и информациите кои ги нудат!! Со сигурност можам да кажам дека квалитетот не е намален ниту за нијанса, напротив со секој број се се подобри!! Обработуваат прекрасни теми, модата е секогаш нивна идеја водилка, меѓутоа движејќи се низ страниците, добивам информации за здравјето, здравата исхрана, нега на кожата и телото...нега и грижа за најмалите, безбедно движење низ бременоста и многу многу совети за читање, музика, духовна храна и егзотични патувања! Можам само да ги пофалам и да кажам дека со нетрпение го очекувам секој нов број!



Ова е дел од оние кои едноставно обожувам да ги читам и би сакала да знам кои се вашите омилени списанија?

Ииии огромно благодарам за мојата мила Ивана, за прекрасните фотографии!!! Следете го нејзиниот блог за да се воодушевите од нејзиниот талент и како убавите нешта ги прави да изгледаат уште поубави!

До следниот пост...Бакнежи,
Марија

Saturday, January 11, 2014

Take Your Time...to Enjoy


Мили мои,

Во овој не толку топол ден ( бидејќи температурите почнаа да паѓаат ;) ) решив малку да ве расположам со некои идеи за поубава вечер/ден/викенд и без разлика дали ќе останете во вашиот топол дом и мрзеливо ќе ја гледате природата под магла преку прозорец или можеби храбро и убаво затоплени ќе тргнете на некоја прошетка.
И како јас моментално се наоѓам во таа доба кога "никаде не е поубаво од дома", и кога мојата мала соба има толку љубов и нежност и топлина да ми даде па не ми дозволува да ја напуштам така добивам инспирација за мало излежување и уживање.

Првин....изгледајте некој филм! Да, можеби ова е првото нешто што го правиме кога ќе останеме дома...но изберете некој филм кој ве прави среќни....можеби празничното расположение уште ве држи, па што велите за некој Божиќен филм?


Или...некоја серија? И како мал одмор помеѓу моите омилени Lie to Me, Suits и други со слична тензична содржина....едноставно уживам во релаксирачки епизоди на една серија која неодамна ја открив. Се работи за The Client List. Малку лежерна серија, која не ти го измачува мозокот но те опушта...исто како што Jennifer Love Hewitt го прави тоа со своите клиенти во еден салон за масажа...кој всушност крие една тајна...дали ве заинтригирав? :)

Наредното нешто е слушањето музика....и една чаша вино..или можеби две? :)
И кога јас сум во такво романтично расположение..освен play листа...обожавам и едно on line радио...Cafe de Paris...не знам дали го имате слушнато...но сигурна сум дека тие звуци, тие ноти, тоа романтично катче, ќе биде вашето омилено за секоја наредна "нежна" прилика.

А доколку се одлучивте за излегување.....нека биде едно убаво попладневно кафе..или топло чоколадо...или вкусно капучино..на некое ново место, но со личноста која ве смее, личноста од која не можете да дојдете до збор и личноста која ве остава во добро расположение дооолго време по вашата средба...



И нека бидат ова некои не толку непознати идеи и предлози за убаво поминато време, а со ваши идеи и предлози ве очекувам, до следниот пост...

Бакнежи,
Марија

Thursday, January 9, 2014

His majesty: Positive thinking


Стреми се кон ѕвездите - преку врвот!

Една мантра за секој ден, една позитивна мисла, верба која влева сигурност дека се оди во нагорна линија...дека најубавото допвра доаѓа.
Бидејќи мојата пасија за читање книги ме тера да истражувам и да се пронаоѓам во различни жанрови, не ретко во раце ми паѓаат и бестселери кои ве вивнуваат до ѕвездите и ви покажуваат дека се се може доколку се сака...и еден универзум работи за нас...се што треба е силно да сакаме.

Лично јас секогаш сум под импресија на скоро прочитана книга, ја доживувам како реалност, размислувам, вадам забелешки, навлегувам длабински и ја барам сржта...и таквата еуфорија ми дава поттик да верувам дека навистина се ни е на дофатот на рацете, дека позитивните работи се случуваат ако само позитивно размислуваш и љубов добиваш кога љубов даваш.

Овој пост го посветив на тие книги, бидејќи баш последната што ја прочитав е всушност книгичка со толку малку пишан збор а толку длабоко допира до секого.
"Што и да мислиш, мисли го спротивното" од Пол Арден. Беше еден од моите подароци за Нова година и можеби е книга што се чита во еден здив...но секако треба да се задржи здивот и да се размисли за пораките кои ги носи.


Која е вашата книга која ве полни со позитивна енергија?

Бакнежи,
Марија



Wednesday, January 8, 2014

Нека започне патувањето...

Мили мои,

Долга беше битката која во себе ја водев..многу премислувања, идеи, желби..многу замисли и..што можеш денес, остави за утре :)
И додека собереш храброст, нешто друго на патот излегува, додека реализираш идеи...некој веќе започнал...и како денес се се движи со молскавична брзина сите новини се веќе стари за многу краток период.

Но собрав храброст...идеи и инспирација црпам и еве започнувам и давам чесен блогерски збор дека вредно ќе работам и теми со препораки ќе ви нудам...а вие мили мои, ќе ме поддржите и со ваша помош и идеи ќе пловиме заедно.

И како вовед прилично долго ве задржав...па ве очекувам да ме следите :)

Бакнежи,
Марија